VEIKUR VEIKUR...... SKÓLI SKÓLI

Já já nú hefur ritarinn ekki staðið sig... Já síðan hún skrifaði síðast er sko mikið búið að gerast í mínu litla lífi. Já skólinn var skoðaður og já þann sama dag varð ég eitthvað hálf slappur sofnaði fyrir klukkan 18 það kvöld og þá er ég að tala um að mamma hélt mér vakandi þangað til ég gjörsamlega datt út. Svo kom ég niður seinna um kvöldið svaka þyrstur og mömmu fannst ég nú eitthvað skrítinn byrjaði strax að tala um andadráttinn minn og eitthvað en NEI Pabbi vissi sko betur Litli karlinn var ekkert veiku nema hvað ég ákvað nú bara að sýna karlinum hver hefði rétt fyrir sér og ældi yfir Ömmu greyjið sem tók því nú bara vel eins og öllu öðru. Og þá var ég kominn með mjög háan hita og bara mókti fram eftir kvöldi og um leið og mamma lagðist með mig upp í rúm sofnaði ég á nóinu, var svo sjóð heitur alla nóttina og ældi smá meira um nóttina, svo morgun eftir þegar fyrsti skóladagurinn átti að vera var minn maður bara heima hjá Ömmu sætu með himinn háan hita. Svo mamma hentist í skólan til að segja að ég væri veikur og í búðina að kaupa Sprite og Coke handa litla veika manninum. Svo já föstudaginn var ég bara inni var einn eftir heima með Pabba meðan Mamma og gestirnir fóru í Mallið það var nú í góðu lagi þar sem ég græddi BLÁAN JEPPA (hafði beðið mömmu að kaupa svoleiðis áður en hún fór á bæjarröltið). Svo ég var bara inni allan þann dag....
Svo á laugardagsmorguninn vaknaði ég frekar snemma og fór að hágráta þegar ég fattaði að Amma Sæta ætlaði að fara heim til Íslands ég var sko bara ALLS EKKI SÁTTUR við það að hún ætlaði sér að fara heim, já eða bara fara frá mér yfirhöfuð. En engu að síður fórum við stór fjölskyldan með alla gestina á flugvöllinn snemma á laugardagsmorguninn... Svo voru allir kvaddir á vellinum (ég var sko alls ekkert hrifinn af því að vera að kveðja fólkið mitt og þá sérstaklega ekki hana Ömmu). Svo var ákveðið að skipta í lið og ég og Mamma fórum heima á Golla meðan Pabbi og Oliver fóru á rútunni og vitir menn ég bara GRÉT og GRÉT í bílnum hjá Mömmu af því ég tímdi ekki að missa hana Ömmu mína svo það var ákveðið þegar við stoppuðum á leiðinni að hann Pabbi myndi taka mig líka í sinni bíl, og þar varð ég strax betri. En ballið var nú ekki alveg búið ég hélt áfram að gráta þegar heim var komið var bara ekki sáttur við það að Amma mín væri farin frá mér. En svona er þetta nú bara stundum ekki satt????? En ég jafna mig nú vonandi bráðum á þessu ÁFALLI. En annars var bara rólegt kvöld hjá okkur á laugardaginn höfðum bíókvöld og fórum frekar seint að sofa....
Í dag sunnudag var farið á fætur frekar seint, ekki líkt okkur. En við ákváðum því bara að skella okkur á rúntinn og fórum til Trier og löbbuðum í bænum þar að skoða mannlífið og svoleiðis... Fórum svo í góðan bíltúr og heim. Þegar heim var komið fórum við pabbi í það að tæma sundlaugina (höldum að sumarið sé búið í Lúx þetta árið) og svo kíktum við aðeins á geithafurinn vin minn... Svo var ég svo pirraður í kvöld að Mamma setti mig bara extra snemma í bælið enda er skóli hjá mér í fyrramálið....
En já ritarinn minn ætlar að henda sér í bælið svo hún geti ræst okkur Oliver út í fyrramálið...
Bið að heilsa ykkur öllum í bili
Kossar og knús
Kriss sem saknar Ömmu sætu.